Ellefu ára gömul fór Ágústína til Svíþjóðar og dvaldi þar yfir sumartíma , en þá eignaðist hún fyrstu myndavélina og tók með sér minningar heim á filmu.
Strax þá kom í ljós að Ágústína hafði mikinn hug á að taka andlitsmyndir jafnt af kunnugum sem ókunnugum.
Á ferðalögum er myndavélin ætíð með í farangrinum en þær ljósmyndir sem hér birtast eru teknar eftir árið 1993 og oftast með Nikon vél.
Þær eru aðeins brot af öllu ljósmyndasafni listakonunnar sem á þessu ári (2006) er rétt að byrja að notfæra sér stafræna tækni við myndatökur.